ဖယ်ခုံမြို့နယ်၌ VDP စီမံကိန်း ကျေးရွာရွေးချယ်ပွဲ ကျင်းပ
Date : 10 May 2022
ဖယ်ခုံ မေ ၁၀
ရှမ်းပြည်နယ်(တောင်ပိုင်း)၊ ဖယ်ခုံမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၂−၂၀၂၃ ဘဏ္ဍာရေးနှစ်တွင် ကျေးလက်နေပြည်သူများ အလုပ်အကိုင်အခွင့်အလမ်းများ ရရှိစေရန် ရည်ရွယ်၍ ဖယ်ခုံမြို့နယ် ကျေးရွာ(၅)ရွာ၌ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP) အကောင်အထည်ဖော်ဆောင်ရွက်နိုင်ရန် ကျေးရွာရွေးချယ်ပွဲကို မေလ ၉ ရက်နေ့၊ နံနက် ၁၀ နာရီတွင် မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
ရှေးဦးစွာ ဖယ်ခုံမြို့နယ်စီမံအုပ်ချုပ်ရေးအဖွဲ့ ဉက္ကဌ ဦးထွန်းရွှေ က အမှာစကား ပြောကြားသည်။
ဆက်လက်၍ ဖယ်ခုံမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူး ဦးကျော်စွာ မှ VDP စီမံကိန်းအကြောင်း မိတ်ဆက်ရှင်းလင်းပြီး ကျေးရွာရွေးချယ်ရေး စံသတ်မှတ်ချက်များကို ရှင်းလင်းဆွေးနွေးတင်ပြသည်။
ထို့နောက် ဖယ်ခုံမြို့နယ်စီမံအုပ်ချုပ်ရေးအဖွဲ့ ဉက္ကဌ နှင့် တာဝန်ရှိသူများက VDPစီမံကိန်းလုပ်ငန်းများ အကောင်အထည်ဖော်ဆောင်ရွက်ရန် ကျေးရွာရွေးချယ်ရေး စံသတ်မှတ်ချက်နှင့် ကိုက်ညီသည့် ခွီးတလုတ်ကျေးရွာ၊ သာယုကျေးရွာ၊ လပင်နွဲ့ကျေးရွာ၊ လပင်လုံကျေးရွာ နှင့် တဲနားကျေးရွာ၊ စုစုပေါင်း ကျေးရွာ(၅)ရွာကို ရွေးချယ်ပေးခဲ့ကြောင်း သိရသည်။
